ALUCOBOND គឺជាអ្នក “ផ្តួចផ្ដើម” បង្កើតឲ្យមាននូវបន្ទះផ្សំអាលុយមីញ៉ូម។ នៅក្នុងវិស័យនេះ យើងបានក្លាយជាម៉ាកយីហោឈានមុខគេលើទីផ្សារអន្តរជាតិចាប់តាំងពីឆ្នាំ ១៩៦៩ មកម្ល៉េះ ហើយក៏ជាម៉ាកយីហោដែលទទួលបានការគោរពនិងឲ្យតម្លៃនៅទូទាំងសកលលោកទៅលើផលិតផលបន្ទះផ្សំអាលុយមីញ៉ូមនេះ តាំងពីពេលនោះមកដែរ។

ម៉ាកយីហោរបស់យើងមានអត្ថន័យប្រៀបបានទៅនឹង ភាពច្នៃប្រឌិត គុណភាព និង ភាពជឿទុកចិត្ត ដែលផ្តល់ជូនស្ថាបត្យករ អ្នករចនា និងអ្នកសាងសង់ នូវសម្ភារៈប្រកបដោយភាពសម្បូរបែបនិងធានាឲ្យបាននូវគុណភាពស្តង់ដារក្នុងគោលដៅជួយអោយចក្ខុវិស័យក្នុងការរចនារបស់ពួកគេលេចចេញជារូបរាង។

បេសកម្មរបស់យើងគឺជម្រុញនិងបំផុសគំនិតឲ្យមានរចនាបថស្ថាបត្យកម្មដែលស្រស់ស្អាតនិងទាក់ទាញ ដោយការផ្តល់ជូននូវបន្ទះផ្សំអាលុយមីញ៉ូមដែលមានគុណភាពខ្ពស់បំផុត។ យើងប្តេជ្ញាចិត្តដើម្បីរក្សានិរន្តរ៍ភាព ការច្នៃប្រឌិត និងភាពល្អប្រសើរក្នុងគ្រប់ផលិតផលដែលយើងផ្តល់ជូន។